Your IP: 44.192.47.87

Apple და Google COVID-19-თან საბრძოლველად საერთო სისტემას ქმნიან

მთელ მსოფლიოში, მთავრობები და ჯანდაცვის ორგანოები ერთად მუშაობენ, რომ გამოძებნონ COVID-19-ის პანდემიის გამოსავალი, დაიცვან ხალხი და დაუბრუნონ საზოგადოება ძველ რითმს. პროგრამული დეველოპერები ამ პროცესს ხელს უწყობენ სხვადასხვა პროგრამების შექმნითა და შემუშავებით, რათა თავიანთი წვლილი შეიტანონ ვირუსის დამარცხებასა და ადამიანთა სიცოცხლეების გადარჩენაში. სწორედ ამ იდეით Apple-მა და Google-მა დააანონსეს, რომ ერთობლივი ძალებით ქმნიან სისტემას Bluetooth-ის გამოყენებით, რომელიც დაეხმარება მთავრობებსა და ჯანდაცვის ორგანოებს ვირუსის გავრცელების მონიტორინგში, მომხმარებლის უსაფრთოებისა და კონფიდენციალურობის დაცვით.
აპლიკაციის მუშაობის პრინციპი იქნება შემდეგნაირი: ვინაიდან დადგენილია, რომ ვირუსი გადადის ვირუსის მატარებელთან ახლო კონტაქტით, თქვენი სმარტფონი Bluetooth-ის მეშვეობით თავს მოუყრის 5 წუთის განმავლობაში უახლოესი სმარტფონების შესახებ ინფორმაციას. შემდგომ, თუკი თქვენი მობილურის მიერ შენახული ბაზიდან რომელიმე კონტაქტს გამოუვლინდება კორონა ვირუსი, თქვენი სმარტფონი ამას შეგატყობინებთ. აღსანიშნავია, რომ ინფორმაცია კორონა ვირუსით დაინფიცირების შესახებ, შეუძლია შეიყვანოს როგორც მომხმარებელმა, ასევე ჯანდაცვის ორგანოს წარმომადგენელმაც.
როგორც ცნობილია მაისში, ორივე კომპანია გამოაქვეყნებს API-ს(application program interface). აპლიკაციის გადმოწერა შემდგომ ეტაპზე შესაძლებელი იქნება თითოეული სმარტფონის შესაბამისი App Store-დან.
აღსანიშნავია, რომ Apple-ისა და Google-ის ერთობლივი სისტემა არ გულისხმობს ადგილმდებარეობის ისტორიის კონტროლს, ის მხოლოდ თქვენს ახლოს მყოფ სმარტფონიან ადამიანებს ინიშნავს შესაძლო კონტაქტებად.
Apple და Google აღნიშნავენ, რომ მათი არსებობის ხანგრძლივ პერიოდში, არ ყოფილა უფრო მნიშვნელოვანი მომენტი, როცა საჭიროა მათი ძალების ერთად მობილიზება და მაქსიმალური გამოყენება მსოფლიოში ყველაზე აქტუალური პრობლემის წინააღმდეგ. დეველოპერებთან, მთავრობებთან და საზოგადოებრივი ჯანდაცვის პროვაიდერებთან მჭიდრო თანამშრომლობით, ისინი იმედოვნებენ, რომ ტექნოლოგიები მსოფლიოს მთავრობებს დაეხმარება COVID-19 გავრცელების პრევენციასა და ყოველდღიური ჩვეული ცხოვრების რითმის დაბრუნებაში.

რას სთავაზობს სენდი თქვენს კომპანიას

  • სერვერი

    ცენტრალიზებული სერვერი. გაძლიერებული უსაფრთხოება. წვდომა სამუშაო ფაილებზე საქართველოს ნებისმიერი წერტილიდან

  • ქსელის მონტაჟი

    შიდა ქსელის დაგეგმვა, კაბელირება, მონტაჟი და უსაფრთხოება. Wi - Fi კავშირისა და საკომუნიკაციო კარადის მენეჯმენტი

  • VPN კავშირი

    ფიქრობთ, როგორ დააკავშიროთ ორი სხვადასხვა ფილიალი ერთმანეთთან? ჩვენ ვიზრუნებთ, თქვენს კომფორტულ მუშაობაზე

  • IP ტელეფონია

    გახადეთ უფრო კომფორტული ერთმანეთთან კავშირი. ეკონტაქტეთ ერთმანეთს დამატებითი გადასახადების გარეშე

  • კამერების მონტაჟი

    იყავი მშვიდად. აკონტროლეთ თქვენი უსაფრთხოება ვიდეო მონიტორინგის კამერების დახმარებით,მსოფლიოს ნებისმიერი წერტილიდან.

  • სერვერის კოლოკაცია

    იქირავეთ სერვერი ჩვენი დატა-ცენტრიდან ან განათავსეთ თქვენთან არსებული სერვერი ჩვენს დატა-ცენტრში.

  • მულტი სერვისი

    სენდის IT+WEB პაკეტით, შეგიძლიათ მიიღოთ როგორც ყოველთვიური IT მომსახურება, ასევე თქვენი კომპანიის სავიზიტო ვებ-გვერდი

  • პერსონალური IT

    თქვენს კომპანიას ეყოლება პერსონალური IT, რომელიც პასუხისმგებელი იქნება თქვენს შეუფერხებელ და უსაფრთხო მუშაობაზე

Developed by Sandy IT tech 2.0All Rights Reserved