ეარპოდსის მეორე თაობას, უსადენო დატენვის ფუნქცია და Siri-ის ხმოვანი სიგნალით გამოძახების ფუნქცია დაემატა. ასევე, როგორც Apple-მა განაცხადა, იგი აღჭურვილი იქნება H1 პროცესორით, რომელიც ელემენტს მინიმალური რაოდენობით მოიხმარს.

ახალი ეარპოდსის უსადენოდ დატენვა ხდება Qi სტანდარტის მიხედვით, ანუ მისი დატენვა, თითქმის ყველა უსადენო დამტენი იქნება შესაძლებელი.

ეფლის განცხადებით, ახალ H1 პროცესორს, ძველ W1 პროცესორთან შედარებით, რამდენიმე უპირატესობა აქვს. ახალ ეარპოდსში სასაუბრო დრო დაახლოებით ერთი საათითაა გაზრდილი, ასევე გაუმჯობესებულია მიკროფონის მიერ ჩაწერილი ხმის ხარისხი, მოწყობილობებთან დაკავშირება კი, კიდევ უფრო სწრაფად ხორციელდება.

ეფლი ახალ ეარპოდსს უსადენო და სტანდარტული ბუდით გაყიდის. მათი ფასი, შესაბამისად, 199$ და 159$ იქნება. კომპანია, ასევე გაყიდის უსადენო დატენვის ფუნქციის მქონე ბუდესაც, მათთვის, ვისაც ახალ ყურსასმენებზე გადასვა არ უნდა და სურვილი აქვს, პირველი თაობის ეარპოდსი, უსადენოდ დატენოს.