Google–მა წაშალა მილიონობით უარყოფითი მიმოხილვა TikTok–ის შესახებ თავისი Play Store–დან მას შემდეგ, რაც აპლიკაციის რეიტინგი ღამით 4.5–დან 1,2 ვარსკვლავამდე დაეცა.

ვიდეოს გაზიარების პოპულარული პლატფორმა(TikTok) ერთვარსკვლავიანი შეფასებები მას შემდეგ დაიმსახურა, რაც ინდოელმა მომხმარებელმა თავის გვერდზე გამოაქვეყნა მჟავა შეტევის თაღლითური ვიდეო. მოხმარებელმა Faizal Siddiqui-მა ბოდიში მოიხადა და TikTok–მა წაშალა მისი კლიპის ასლები. თუმცა, Google ჩაერია მას შემდეგ, რაც დადგინდა, რომ ამ ვიდეოსა და აპლიკაციის კრიტიკოსებმა შექმნეს ყალბი ანგარიშები პროტესტის გასაუმჯობესებლად. ამ ნაბიჯს ნაკლები ეფექტი ჰქონდა და TikTok-ის რეიტინგი ორი ვარსკვლავის ქვემოთ რჩება ოფიციალურ Android ბაზარზე.
“ჩვენ არ დავუშვებთ იმ შინაარსის ვიდეოებს, რომლებიც საფრთხეს უქმნის სხვის უსაფრთხოებას, ხელს უწყობს ფიზიკური ზიანის მიყენებას, ან ახალისებს ქალთა მიმართ ძალადობას,” – განაცხადა TikTok–ის სპიკერმა. ”ამგვარი საქციელი არღვევს ჩვენს სახელმძღვანელო პრინციპებს, ჩვენ შევაჩერეთ მოხმარებლის ანგარიში და ვთანამშრომლობთ სამართალდამცავ ორგანოებთან.”
მოგვიანებით ბატონმა Siddigui-მ თქვა: “როგორც სოციალური მედიის ინფლუენსერი, მე ვაცნობიერებ ჩემს პასუხისმგებლობას და ბოდიშს ვუხდი ყველას, ვინც ამ ვიდეომ შეურაცხყო.”
ამის შემდეგ, Google–მა წაშალა 5 მილიონზე მეტი მისი ბოლოდროინდელი ერთვარსკვლავიანი შეფასება, მაგრამ მრავალი სხვა აქტიური დატოვა. გუგლის სპიკერმა განაცხადა, რომ მან მიიღო “მაკორექტირებელი მოქმედება”. ”როდესაც ჩვენ ვისწავლით სპამის ბოროტად გამოყენების ინციდენტებს, ჩვენ განვიხილავთ და ვიღებთ მაკორექტირებელ ზომებს არასათანადო რეიტინგებისა და კომენტარების მოსაშორებლად.”- დასძინა მან.
აღსანიშნავია, რომ TikTok–ის თვიური შიდა შესყიდვების შემოსავლები ათჯერ გაიზარდა და $78 მილიონი (63.8 მილიონი დოლარი) შეადგინა, 86,6% ძირითადად შემოსულია ჩინეთიდან, ხოლო 8.2% აშშ-დან.