აშშ-ს მკვლევარებმა და დეველოპერებმა გამოიგონეს ჭკვიანი საათის(SmartWatch) აპლიკაცია, რომლის მეშვეობითაც სმენადაქვეითებულები ახლომდებარე ხმების შესახებ ინფორმირებულები იქნებიან.

ვაშინგტონის უნივერსიტეტის გუნდის მიერ შემუშავებული აპლიკაცია SoundWatch იღებს და ადგენს ხმას, რომელიც მომხმარებელს შესაძლოა აინტერესებდეს, მაგალითად: სირენა, მიკროტალღური ღუმელი, ან ჩიტის ჭიკჭიკი. აპლიკაცია აგზავნის “ზუზუნს” საათთან ერთად ინფორმაციასთან დაკავშირებით. ”ეს ტექნოლოგია საშუალებას აძლევს ხალხს, განიცადონ ისეთი ხმები, რომლებიც საჭიროებს მოქმედებას, მაგალითად, მიკროტალღური ღუმელისგან საჭმლის გამოდგმის დროს. მაგრამ ამ მოწყობილობებს ასევე შეუძლიათ გააუმჯობესონ ადამიანების ცხოვრება და დაეხმარონ მათ უფრო მეტად გრძნობდნენ კავშირს სამყაროსთან, ”- თქვა მისტერ ჯაინმა, კომპიუტერული მეცნიერებისა და ინჟინერიის სკოლის დოქტორანტმა. მან, თავად სმენადაქვეითებულმა დასძინა, რომ ლაშქრობაში ჩიტების ჭიკჭიკისა და ჩანჩქერის ხმის გაგება უმძაფრებს ბუნებაში ყოფნის შეგრძნებას, შესაბამისად სურს სხვებსაც დაეხმაროს SoundWatch-ის მეშვეობით აგრძნობინოს სამყაროსთან კავშირი.

გუნდმა შექმნა ეს პროდუქტი თავდაპირველად მათთვის, ვისაც სურდა გაეგო თუ რა ხდებოდა მათ გარშემო (მაგალითად ხანძარი სახლში).
პირველი სისტემა, სახელწოდებით HomeSound, იყენებს Microsoft Surface ტაბლეტებს, რომლებიც მთელს სახლში არის მიმოფანტული, რომლებიც ურთიერთდაკავშირებული მონიტორების ქსელის როლს ასრულებენ. თითოეული ჩვენება წარმოადგენს სახლის ძირითად გეგმას და აფრთხილებს მომხმარებელს ხმისა და მისი წყაროს შესახებ. ეკრანებზე ასევე ნაჩვენებია ხმის ტალღის ფორმა, რაც მომხმარებლებს ხმის ამოცნობაში ეხმარება და ინახავს ყველა იმ ხმის ისტორიას, რომელიც შესაძლოა მომხმარებელმა გამოტოვა, როდესაც ისინი სახლში არ იყვნენ.